贔屭

当我哋要形容心情苦恼、好多问题缠身而冇法解决嘅情况，
我哋就称为“閉翳”。正如佛山有一句俗语：
“正月十六行通济,行过通济冇闭翳”。通济係佛山嘅一座桥，
每年正月十六行过之后就会顺心顺意，就唔会闭翳嘞~~

查实“閉翳”两个字係错嘅~ 正确写法係“贔屭”（读法同閉翳一样）
咁“贔屭”又係咩嚟嘅？同情绪又有咩关联呢？原来，



















“贔屭”係龙生九子嘅其中一子，又叫做“龜趺”、“霸下”、“填下”，
个样呢就好似乌龟，但和乌龟又有些小差别，“贔屭”有一排牙，乌龟冇；
而背甲上甲片嘅數目同形狀和乌龟都有差異。一般上在中国碑林和
一些古跡勝地如寺庙或者宫殿门前，都可以看到“贔屭”背着石碑。
上次我去孔子故乡曲阜嘅时候就睇过好多咁样嘅“贔屭”。




































话说喺上古時代贔屭常馱著三山五嶽，喺江河湖海裡興風作浪，整蠱做怪。
後來大禹治水時收服咗佢，佢服從大禹嘅指揮，负责推山挖溝，疏遍河道，
為治水作出咗好大貢獻。洪水治服之后，大禹擔心贔屭又到處搞嘢，
就搬來一嚿頂天立地嘅大石碑，上面刻咗贔屭嘅功跡，叫佢馱著，
沉重嘅石碑壓得佢不能隨便行走。

后来，人们就用“贔屭”形容心情就好似瑞獸贔屭，揹重郁都郁唔到，
一籌莫展好难过咁解。 ^^