哽树榕果

橡膠树係我国著名嘅农作物，呢种植物会分泌一种膠，
既係天然橡膠，有好多用途。要获得呢种树膠，就要割树嘞，
就係用膠刀喺树身轻轻咁劏开一条界，等啲膠汁流出并收集起嚟。
当然，我依家响处唔係介绍啲膠汁，
而係讲一种我细个嗰阵好钟意搞嘅玩意 --- 哽树榕果~

何谓“哽树榕果”？
树榕果，既係橡膠树嘅种子。花花绿绿嘅，几靓吓架~
而“哽”音ngang，既係用硬物顶住咁解。
顾名思义，“哽树榕果”就係用两粒树榕果互相斗顶，爆咗就算输。

每年橡膠树落叶打果阵时，满地都係树榕果，
村入面嘅细佬就会去树榕山執树榕果嚟比试。

树榕果嘅形状一般上嚟讲都係圆睩睩嘅，
但係都会有变化，根据佢嘅形状我哋会帮佢起名：
“大骨种”、“贡头种”、“小西瓜”等等。其中“贡头种”和“小西瓜”
最硬最好哽，为常胜将军~
只要你嘅树榕果一胜出，就会引来好多挑战者，势要将你嘅树榕果
哽爆先至甘愿。所以往往係“怨怨相报”斗个你死我活。
当然，偶尔都会爆发一啲不愉快嘅嗌交，尤其是当有人出蛊惑~

记得当年有一位隔离屋嘅细佬出蛊惑，佢将树榕果挖开一个窿，
再将入边嘅核撩晒出嚟，然之后再将啲红毛灰侵少少水灌入去填实。
红毛灰硬化之后个粒树榕果就变成“东方不败”，唔会爆~~
但最尾都係畀人踢爆，哈哈哈~~~

唔知道今时今日重有冇人玩“哽树榕果”呢种玩意，
但无论点，佢已经成为我童年灿烂嘅一页回忆。

^_^



















[两粒树榕果，品种不详 >_<]




















[将两粒树榕果摆响两个手掌中]




















[对准两粒树榕果，用力哽落去，会听到“bak”一声~]




















[哈哈~好明显左边个粒爆咗~~]




















[搣开粒树榕果就睇到入边白色嘅核]